A axencia Europa Press recolle na súa web que o número de pacientes en lista de espera cirúrxica do Sistema Nacional de Saúde (SNS) aumentou un 17,2 por
ciento no pasado ano, pasando de 392.072 pacientes en 2010 a 459.885 a data de decembro do 2011. Estes datos foron aportados polo Ministerio
de Sanidade, Servicios Sociais e Igualdade e aprobados para a súa difusión no Consello Interterritorial do SNS do pasado mércores. As especialidades nas que se produciu o maior incremento no 2011 foron Traumatoloxía donde se rexistraron 26.367 pacientes de
diferencia con respecto ao 2010. Ciruxía Xeral e Dixestivo e
Oftalmoloxía, tamén superaron ampliamente o número de pacientes con
respecto ao ano anterior (14.095 y 12.266, respectivamente).
A espera en consulta, por outra banda, tamén aumentou, pasando a porcentaxe dos que agardan con data asignada a máis de 60 días do 35 ao 38 por cento no 2011. Neste caso as especialidades máis demandadas son Oftalmoloxía, Traumatoloxia e Dermatoloxía.
Podes consultar o informe na seguinte ligazón:
Ningún comentario:
Publicar un comentario