A Central Sindical
Independente e de Funcionarios (CSI-F) emplazou hoxe ao Goberno a abrir a mesa
de negociación para abordar a aprobación de medidas para recuperar as
condicións laborais e o esforzo realizado polo conxunto dos empregados públicos
desde o comezo da crise económica.
O presidente de CSI-F, Miguel
Borra, valora que existe un cambio de actitude por parte do Executivo na liña
do recoñecemento dos sacrificios realizados polos traballadores das
administracións públicas, como indica a devolución prevista dun día de libre
disposición. Borra, considera que este anuncio “vai na senda positiva” pero é “moi
escaso”.
Ademais, recordou a anulación
de tres días de libre disposición aos funcionarios de xustiza a semana pasada,
horas logo de haberse aprobado unha instrución ministerial na que se facía
efectiva esta devolución de “moscosos”. “Os empregados públicos merécense moito
máis respecto que todo iso”, apostilou Borra.
“O recoñecemento ao labor dos
empregados públicos debe ser proporcional ao esforzo realizado durante estes
anos de crises”, destacou Miguel Borra en declaracións aos medios de
comunicación, tralo anuncio realizado polo ministro de Facenda. De entrada,
CSI-F entende que o Goberno debe abonar a paga extra de Nadal de 2012, en liña
cos múltiples pronunciamientos xudiciais que se están producindo en todo o
Estado.
Esta devolución debería
producirse desde xa, a través dun crédito extraordinario nos Orzamentos Xerais
do Estado para 2014, que se están tramitando nas Cortes.
Outros asuntos que deberían
abordarse serían a compensación económica pola perda do 30 por cento de poder
adquisitivo, ou o reforzamento do persoal, que viu reducido o seu número en
preto de 400.000 efectivos desde 2011, co consiguiente deterioro na calidade
dos servizos públicos que reciben os cidadáns.
Ningún comentario:
Publicar un comentario